(30/10/2009)
Foro Galego de Inmigración critica que a lei recorta dereitos fundamentais
Santiago de Compostela, 30 oct (EFE).- O Foro Galego de Inmigración denunciou hoxe que a Lei de Estranxeiría aprobada onte no Congreso recorta dereitos fundamentais aos inmigrantes e criminaliza ás persoas que se atopan en situación de irregularidade administrativa.
A través dun comunicado, o Foro Galego de Inmigración lamenta a falta de tempo para estudar e tomar en conta as propostas presentadas polo Goberno e engade que o texto aprobado non mellora nada o primeiro texto enviado polo Executivo.
Segundo este foro, que agrupa a máis de oitenta asociacións, "o grupo socialista priorizou de forma descarada a pura aritmética parlamentaria, sen ter en conta os dereitos de máis de 5 millóns de persoas que son veciños de todos".
O Foro fai "directamente responsable" ao Goberno central e ao presidente, José Luís Rodríguez Zapatero, do "intolerable recorte" de dereitos fundamentais para as persoas inmigrantes.
Finalmente, desde este colectivo anuncian que seguirán traballando na defensa dos dereitos destas persoas e mobilizando á sociedade para mostrar a solidariedade coas persoas inmigrantes "lamentablemente maltratadas" polo Goberno. EFE
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas