A Secretaría Xeral da Emigración recorda que está aberta a nova convocatoria da Bolsa de Excelencia Mocidade Exterior - BEME para que galegas e galegos universitarios residentes no exterior poidan facer un máster o próximo curso nas universidades galegas.

Para facilitar os trámites, a Secretaría Xeral da Emigración, publica na súa páxina web de GaliciaAberta catro vídeos nos que se poden coñecer os obxectivos desta bolsa, os  requisitos que debe cumprir unha ou un universitario galego do exterior para solicitalas, a súa tramitación e os pasos e documentación que se debe presentar.  Pódense consultar nesta ligazón.