(30/09/2022)
30 sep 2022 .
A biblioteca Varela Jácome de Lalín acollerá hoxe a partir das 17 horas, un taller informativo que versará sobre a nova lei de estranxeiría; que foi aprobada polo goberno o pasado 16 de agosto. A charla, que correrá a cargo do avogado especialista en inmigración Vladimir Rodríguez, encádrase dentro das actividades que organiza a Asociación de Venezolanos do Deza dando resposta a formulacións e necesidades da poboación inmigrante.
Unha nova lei de estranxeiría que busca regularizar ás máis de 500.000 persoas inmigrantes para capitalizar toda esa man de obra «que para o estado lle vén moi ben, ao ser xente que traballará e cotizará de xeito regular e incidiría directamente nas arcas do estado español.
A idea é captar todo ese déficit existente en traballos e en labores do campo que non están cubertos na actualidade», explicou Vladimir Rodríguez. Así entre as principais novidades da nova lei de estranxeiría, que desmenuzará esta tarde o avogado na sesión informativa, figura por exemplo o feito de que os nacionalizados poderán reagrupar aos seus pais maiores de 65 anos sen unha serie de requisitos «que antes se lles facían costa arriba», sentenciou Rodríguez.
A principal preocupación do inmigrante é poder regularizar a súa situación para poder acceder ao mercado laboral, sendo esta una das preguntas máis recorrentes en calquera taller informativo que se organiza desde o colectivo dezán, e xurdirá seguramente no desta tarde. «Os venezolanos veñen maltratados psicoloxicamente, mesmo con medo para acudir á policía á hora de cursar algún trámite. A maioría con escasos recursos e con problemas para poder alugar: as inmobiliarias esixen uns requisitos que, para os que chegan, non poden cumprir», comenta.
Asegura que intentará dar resposta a todas as dúbidas que os asistentes teñan respecto da nova lei e á parede da burocracia que moitos compatriotas atopan no seu día a día. «En Venezuela hai leis, pero non se cumpren, e aquí hai que facelo. Vimos en certa forma maleducados no que a burocracia se refire. En Venezuela alugas unha cousa sen máis, non se sabe nada da necesidade dunha licenza e aquí ese papelorio faise costa arriba. Son detalles obrigatorios que lles resultan moi difíciles a quen chegan. Choca coa cultura iberoamericana, pero conste que a maioría vén traballar; a pór o seu pequeno negocio e a asentarse no país», insiste Rodríguez.
Lembra ademais o letrado especializado en inmigración que Venezuela conta aínda cunha gran comunidade española, a pesar de que moitos dos que chegan a España e ás nosas localidades son españois de segunda ou terceira xeración, «fillo ou neto do español que no seu día; hai bastantes anos, emigrou ás Américas en busca dun futuro mellor que buscan agora aquí os seus descendentes».
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas