O concello de Paradela celebra este sábado unha homenaxe aos paradelenses de fóra

(12/08/2022)

O concello de Paradela celebra este sábado unha homenaxe aos paradelenses de fóra

Dentro dos seus actos do bicentenario, o concello de Paradela celebra unha homenaxe aos paradelenses de fóra e aos peregrinos.

Redacción, Vigo
11/08/22 -

Para os paradelenses que viven fóra e que aproveitan as vacacións de verán para regresar á súa terra, o concello ten previsto facer unha visita especial guiada ás exposicións do bicentenario que comezará ás 12,00 no edificio multiusos.

Á súa chegada, a colectividade será recibida polo alcalde, José Manuel Mato Días. A continuación, actuará o cantautor de Becerreá residente en Barcelona, Alfredo González, quen pon música aos textos do escritor Manolo Rodríguez.

Tras a música, terá lugar a presentación das exposicións ‘Manuel Rodríguez, 2.0’, a cargo do seu fillo, Santiago Rodríguez, profesor de doutorandos na Universidade de Bristol (UK); ‘Do tempo dás luces’ (fotos antigüas de Paradela) e invitación para continuala en anos sucesivos e formar o Arquivo da imaxe de Paradela, por Rocío Domínguez Brea, presidenta da Asociación de Mulleres de Paradela; e a exposición ‘Paradela, senda infinita’, por Xulio Xiz.

Os asistentes recibirán os catálogos das distintas exposicións e o libro de resumo dos 200 anos de Paradela, de Xaime Félix López Arías, Arlindo

O acto finalizarase cun viño da Sacra con petiscos da gastronomía de Paradela.

Homenaxe aos peregrinos

Os peregrinos que ese día pasen polo concello recibirán un anaco de empanad de anguías (o elemento gastronómico máis destacado do concello) e rosca de Paradela para agradecer o seu paso polo Camiño e poñer de relevo dous dos elementos gastronómicos de primeira orde dos que o concello é unha potencia recoñecida.