A tecnoloxía, un recurso para a crise humanitaria

(07/07/2022)

A tecnoloxía, un recurso para a crise humanitaria

Antonio López Peláez dirixe un congreso da UNED, que se desenvolve en Ourense, sobre tecnoloxías para dar resposta á axuda humanitaria Miguel Villar

 

A UNED trae a Ourense un congreso sobre a importancia das TIC en situacións de catástrofe social

07 jul 2022 .

Este mércores arrincou en Ourense o Congreso Internacional sobre Ferramentas Dixitais e Innovación na Resposta Humanitaria, unha iniciativa que serve para conmeorar o cincuenta aniversario de a UNED e que se desenvolve no Arquivo Histórico Provincial. O obxectivo principal destas sesións é mellorar a axuda humanitaria a través da tecnoloxía. Para o evento foron convocados varios expertos de diferentes países que se dedicarán a debater, analizar e presentar iniciativas no ámbito da axuda humanitaria e a tecnoloxía. O congreso, que foi acollido por Jesús Manuel García, director da UNED en Ourense, está coordinado por Antonio López Peláez, doutor en Sociología. 

A actual sociedade está marcada por varios casos de migración masiva provocados por catástrofes económicas, políticas e sociais. Este proxecto é responsable dunha rede que fai fronte a varios casos: os refuxiados sirios en Turquía, o caso de Ucraína, os refuxiados que chegan a España e Portugal e o éxodo masivo de venezolanos a Colombia e Brasil. No congreso os expertos tratan estes casos a través de varias iniciativas que pretenden establecer boas prácticas como mellorar a saúde das mulleres inmigrantes, entre outras. 

Outro feito que marcou á sociedade a nivel mundial foi a pandemia, que conviviu con guerras e outros desastres. O coordinador do congreso, Antonio López, afirma que nesta situación é importante tomar en consideración as opinións e necesidades de todos os axentes do proceso de axuda humanitaria para establecer «un proceso participativo». Precisamente esta pretensión é unha das razóns polas que se celebra o congreso. En relación co covid, se presentaro ferramentas dixitais para grupos de traballo e algunhas experiencias de espazos para universitarios durante a pandemia. 

A tecnoloxía é o elemento principal do congreso, polo que está presente en todas as propostas e debates. Nas xornadas trátanse temas como a utilización de Facebook para promover a resposta humanitaria ou a importancia das tecnoloxías para a intervención social con persoas maiores. Tamén se dará a coñecer o proxecto Photovoice, unha ferramenta desenvolvida por Mieko Yoshihama que permite utilizar unha imaxe como ferramenta de diagnóstico de denuncia social. 

A tecnoloxía afecta a todos os implicados da crise humanitaria, tamén aos traballadores. Mariana Radvanska, presidenta da Asociación Provincial de Ucraínos en Segovia, é outra das participantes. «Antes usabamos grupos de WhatsApp ou redes sociais, pero grazas a estas novas ferramentas podemos realizar mellor o noso traballo», afirma Rasvanska. 

Na iniciativa tamén participan diversas universidades, como a de Vigo, institucións, centros e expertos que proceden de países como Brasil, China , Colombia, Estados Unidos, Irlanda, Italia, Portugal e Turquía.