(20/05/2022)
A Xunta ten escolarizados a 199 nenos ucraínos na provincia de Pontevedra
20 may 2022 .
A Xunta ten escolarizados a 199 nenos ucraínos en centros educativos dunha trintena de concellos da provincia de Pontevedra. O que se busca é favorecer a súa integración e adaptación na súa condición de refuxiados pola guerra. Os menores teñen entre 3 e 17 anos e están matriculados en infantil, primaria, ESO e bacharelato.
O delegado territorial da Xunta, Luis López, visitou onte ao maior grupo de alumnos ucraínos da provincia no CPR San Narciso de Marín . Está formado por 32 menores. Estivo acompañado pola alcaldesa de Marín , María Ramallo (PP), e polo xefe territorial de Educación, César Pérez, ademais doutros cargos municipais e persoal docente. «Galicia é un pobo solidario e acolledor, algo inherente á nosa forma de ser e que se acrecentou pola acollida que tivemos en todo o mundo durante os anos máis duros emigración», sinalou Luis López. Engadiu que a Xunta está a pór todos os seus servizos públicos a disposición dos refuxiados de Ucraína e, especialmente, dos máis pequenos, «que son os que máis sofren as consecuencias desta guerra».
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas