GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

España concedeu 75.000 proteccións temporais a desprazados pola guerra en Ucraína

(26/04/2022)

España concedeu 75.000 proteccións temporais a desprazados pola guerra en Ucraína


Ministerio do Interior

Santander, Potes (Cantabria), 26/04/2022


España ha concedido 75.000 protecciones temporales a desplazados por la guerra en Ucrania
España concedeu 75.000 proteccións temporais a desprazados pola guerra en Ucraína


O secretario de Estado de Seguridade visitou este martes en Santander a comisaría de Policía Nacional que tramita a protección temporal para desprazados ucraínos en Cantabria, na que agradeceu o labor dos axentes

 
En toda España, a Oficina de Asilo e Refuxio (OAR) e a Policía Nacional tramitaron, resolveron e concederon 74.965 proteccións temporais, das cales 39.031 foron tramitadas en comisarías

O perfil do refuxiado: o 38,44% son menores de 18 anos, mentres que o 67,58% son mulleres

Rafael Pérez reuniuse tamén coa delegada do Goberno en Cantabria para analizar a situación de seguridade na comunidade

 

O Ministerio do Interior tramitou, resolveu e concedeu un total de 74.965 proteccións temporais –ata as 20.00 horas do 25 de abril- a desprazados pola guerra en Ucraína que buscaron refuxio no noso país desde a activación, o pasado 10 de marzo, do procedemento de urxencia para responder a estas solicitudes de asilo.

Dos 74.965 documentos de protección, 39.031 (52,1 %) foron tramitados e resoltos en comisarías, tal e como explicou o secretario de Estado de Seguridade, Rafael Pérez, durante a visita que realizou este martes á oficina de tramitación da protección temporal a cidadáns ucraínos en Cantabria, situada na comisaría do Distrito Centro da Policía Nacional en Santander, e que xa concedeu 991 proteccións temporais.

"Quero aproveitar esta visita para destacar o traballo extraordinario que están a desenvolver os policías nacionais desde o pasado 10 de marzo nesta tarefa. Están a xestionar en minutos, en colaboración coa Oficina de Asilo e Refuxio do Ministerio do Interior, as solicitudes dos desprazados e paliando no posible o sufrimento polo éxodo ao que se viron obrigados", subliñou.

O PERFIL DO REFUXIADO

Por idade, o 38,44% das proteccións temporais que foron outorgadas en España corresponden a refuxiadas e refuxiados menores de 18 anos; o 23,65% dos documentos de protección concedéronse a poboación ucraína desprazada que ten entre 19 e 35 anos de idade; o 31,53%, ás ucraínas e ucraínos refuxiados de entre 36 e 64 anos; e o 6,39%, aos maiores de 65 anos.

E por sexo, concedéronse un 67,58% de documentos de protección temporal a mulleres desprazadas, fronte ao 32,42% de resolucións a homes desprazados.

Así mesmo, o 98,74% das proteccións temporais outorgáronse a refuxiadas e refuxiados de nacionalidade ucraína, mentres que un 1,26% concedéronse a residentes legais en Ucraína pero que contan cunha nacionalidade distinta a esta.

Todas as proteccións conlevan o permiso de residencia e, para os maiores de idade, de traballo. Ademais, en virtude do establecido pola Dirección Xeral de Tráfico, os desprazados que obteñen a protección temporal poden utilizar legamente os seus permisos de conducir en España, polo menos, durante un ano.

Madrid (14.709), Cataluña (14.377), Comunidade Valenciana (13.155), e Andalucía (11.236) son as comunidades autónomas que reciben máis solicitudes. Todos os datos de protección temporal, coa súa desagregación por provincias, poden consultarse na páxina web do Ministerio do Interior. A través da páxina, os cidadáns ucraínos poden consultar a lista completa de comisarías, os datos de contacto necesarios para a reserva de cita previa ou descargar as resolucións de protección temporal.

 

 

 

 

Novas e Actualidade


Titulares
Histórico


 ACTIVIDADES

Outubro 2022
LMMeXVSD
     12
3456789
10111213141516
17181920212223
24252627282930
31      



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas