Seis centros galegos do exterior proxectaron esta fin de semana o documental A Virxe Roxa, dentro do Ciclo Mestre Mateo que organiza a Secretaría Xeral da Emigración en colaboración coa Academia Galega do Audiovisual. Este filme, precisamente, foi o gañador este ano na categoría de Mellor Documental dos premios do mesmo nome.

O Instituto Argentino Gallego Santiago Apóstol, o Centro Gallego de Montevideo, o Centro Galego de Londres, a Asociación Cultural Galega De Berlín Son, o Centro Gallego de Madrid, o Lar Gallego de Sevilla e o Centro Galego de Tarragona foron as entidades que organizaron estas proxeccións que teñen unha periodicidade mensual de marzo a decembro (salvo xullo e agosto), de xeito que se poida dar a coñecer, fóra de Galicia, o labor do sector audiovisual galego. De maneira excepcional, o Centro Gallego de Madrid proxectará nesta ocasión a cinta mañá, 25 de abril, ás 19 horas, e a Hermandad Gallega de Venezuela a próxima fin de semana.