(28/03/2022)
Éxito de público no estreo da primeira proxección do Ciclo Mestre Mateo nos oito Centros Galegos do Exterior que colaboran con Emigración e a Academia Galega do Audiovisual
Estreo da primeira proxección do Ciclo Mestre Mateo | Uruguai
Santiago de Compostela, 27 de marzo de 2022.
Éxito de público no estreo da primeira proxección do ciclo Mestre Mateo en seis países distintos grazas a colaboración de oito centros galegos do exterior. O documental “O Gran Camiño” puido verse así no auditorio do Instituto Argentino Gallego Santiago Apóstol de Bos Aires, no teatro do Centro Gallego de Montevideo, no gran salón da Hermandad Gallega de Venezuela, no Instituto Cañada Blanch-Centro Galego de Londres, no cine Babylon da man da Asociación Cultural Galega de Berlín Son, no auditorio do Centro Gallego de Madrid, no salón do Lar Gallego de Sevilla e no Centro Gallego de Tarragona.
Estas entidades colaboran así coa Secretaría Xeral da Emigración e coa Academia Galega do Audiovisual para dar a coñecer o audiovisual galego no exterior, proxectando, unha vez o mes de marzo a decembro (salvo xullo e agosto), os finalistas nas categorías de documental e longametraxe nos premios Mestre Mateo do audiovisual galego.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas