(02/03/2022)
REDACCIÓN / LA VOZ
01 mares 2022 .
Este luns pola tarde emigrantes ucraínos residentes nas catro provincias galegas reuníronse para dar forma á Asociación Galega de Axuda a Urania, AGA-UCRAÍNA. A entidade quedou formalmente constituída tras o encontro, no que se conformou a xunta directiva, presidida por Natalia Afonina, natural de Ucraína e nacionalizada española. A muller que está fincada en Oleiros está acompañada por outros oito ucraínos e catro galegos. No caso de Natalia, o seu fillo de 23 anos atopábase en Kiev, onde ela aínda conserva un piso, cando estalou o conflito a pasada madrugada do xoves. O mozo tratou de fuxir do país xunto á súa noiva, Anne, pero sen éxito.
Desde a entidade apuntan que están en contacto co goberno do país en guerra para poder facer chegar as prestacións necesarias. Así mesmo, o presidente da Xunta, Alberto Núñez Feijoo, contactou este luns coa directiva da asociación para mostrarlles o seu apoio.«Nos próximos días concretarase a axuda que nos prestará o executivo galego», sinalan.
Voluntarios para acoller temporalmente refuxiados
Desde a asociación tamén sinalan que actualmente buscan voluntarios que se ofrezan a acoller temporalmente a refuxiados que cheguen de Ucraína escapando da invasión rusa. Os interesados en colaborar coa entidade desa ou outra forma poden escribirlles un correo electrónico a aga.ucraina@gmail.com ou nos teléfonos.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas