Imaxe da reunión celebrada na sede da Secretaría Xeral da Emigración
Santiago de Compostela, 12 de novembro de 2021.
O secretario xeral da Emigración, Antonio Rodríguez Miranda, xunto á subdirectora xeral do Retorno, Begoña Solís, mantiveron nas últimas horas unha reunión cos representantes de Bioga, o Clúster Técnolóxico e Empresarial das Ciencias da Vida, Dolores Pereiro e Julio Martínez, co obxectivo de analizar as vías de colaboración que deriven na posta en marcha dunha rede de oferta laboral a retornadas e retornados de alta cualificación profesional, entre outras iniciativas.
Un dos obxectivos sería ofrecer opcións de emprego no sector biotecnolóxico tanto para que as e os profesionais retornados puideran atopar un posto laboral nunha empresa punteira deste sector, como para ofrecer ás empresas perfís profesionais axeitados que permitan impulsar a competitividade do tecido empresarial galego. Bioga conta cunha carteira de máis de 75 empresas dedicadas ao sector en Galicia.