(25/10/2021)
REDACCIÓN
25 oct 2021 .
Un dos seis nenos evacuados este domingo en helicóptero a un hospital de Gran Canaria desde unha patera localizada ao sur da illa cun cadro importante de deshidratación e hipotermia faleceu, segundo informou o 112 de Canarias .
A patera fora localizada a uns 200 quilómetros de Gran Canaria e recibiu a axuda da Guardamar Polimnia. Debido á precaria situación dos seus 54 ocupantes, homes, mulleres e nenos de orixe subsahariana, Salvamento organizou o traslado urxente por vía aérea dos oito máis graves: dous bebés, outros catro menores e dous adultos.
Á súa chegada a terra, os dous adultos foron ingresados nos hospitais Doutor Negrín e Insular de Las Palmas de Gran Canaria e os cinco menores sobreviventes, derivados ao Materno Infantil.
Os outros 44 ocupantes desembarcaron preto de medianoite no porto de Arguineguín coa Guardamar Polimnia. Trátase de 22 mulleres adultas, 21 homes e unha menor duns dez ou once anos, segundo indicaron a Efe fontes dos servizos de urxencia. Segundo os seus primeiros testemuños en terra, levaban entre unha e dúas semanas no océano.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas