Recollida de alimentos en Cee para campamentos de refuxiados saharauís

(12/05/2021)

Recollida de alimentos en Cee para campamentos de refuxiados saharauis

Os interesados en participar poden facelo de luns a venres no centro social

O Concello de Cee colabora na campaña de recollida de alimentos para os campamentos de refuxiados saharauís. Os interesados en participar poden depositar os produtos non perecedoiros, así como leite en po, cueiros e artigos de aseo, no centro social do municipio de luns a venres en horario de 10.00 a 13.00 horas e de 16.00 a 20.00. O prazo de recollida finaliza o día 31 deste mes.