GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Miranda compromete co Hogar Español de Montevideo un acordo de colaboración por 100.000 euros para a atención social a galegas e galegos residentes en Uruguai

(19/03/2021)

Miranda compromete co Hogar Español de Montevideo un acordo de colaboración por 100.000 euros para a atención social a galegas e galegos residentes en Uruguai

O secretario xeral da Emigración mantivo unha videoconferencia co presidente desta entidade, Ángel Domínguez Castro.

 

En 2021 auméntase a a dotación de cara a que a entidade poida facer fronte ás necesidades derivadas da actual pandemia.

 

El secretario xeral da Emigración y el presidente del Hogar Español, durante la reunión telemática
  • O secretario xeral da Emigración e o presidente do Hogar Español, durante a reunión telemática

 

 

Listen to this page using ReadSpeaker
 

Santiago de Compostela, 19 de marzo de 2021.

 

O secretario xeral da Emigración, Antonio Rodríguez Miranda mantivo nas últimas horas unha reunión por videoconferencia co presidente do Hogar Español de Montevideo na que se lle trasladou o compromiso dun acordo de colaboración por 100.000 euros para a atención social das galegas e galegos residentes no Uruguai.

 

Precisamente a covid-19 motivou o aumento da dotación para este ano do convenio, que en 2020 foi de 50.000 euros e que este ano se duplica.  

 

Durante o encontro dixital, analizouse tamén a situación actual da institución. Neste senso, Ángel Domínguez informoulle a Rodríguez Miranda de que a entidade mantén a súa actividade con total normalidade, ofrecendo un servizo integral aos 120 usuarios e usuarias que se atopan actualmente no centro, dos que o 80% son galegos, aínda que ten capacidade para chegar a acoller a 216 persoas. O 90% das e dos que se atopan residindo nas súas instalacións son dependentes en diferentes graos, de leve a severo e contan cunha idade media de 86 anos. Ademais de aloxamento, coidado e manutención, o centro ofrece servizos médicos, animación socio cultural e estimulación cognitiva. 

 

A Secretaría Xeral da Emigración leva anos colaborando con este fogar, xa que considera necesario contribuír á prestación de asistencia á colectividade galega residente en Uruguai e que estean a pasar dificultades vitais, “especialmente no caso dos máis maiores, un colectivo xa de por si vulnerable e que nesta pandemia está a ser o máis afectado”, explicou Rodríguez Miranda. 

 

“O noso interese radica na pretensión de mellorar a súa saúde, o seu benestar social e a súa calidade de vida. A situación vivida polo virus da covid-19 obriga a este tipo de entidades a levar a cabo diferentes accións de prevención, hixiene, realización de probas e habilitación de salas de illamento, o que supuxo, evidentemente, un importante desembolso en adquisición de material e contratación de persoal”, engadiu o secretario xeral.

 

 

Novas e Actualidade


Titulares
Histórico


 ACTIVIDADES

Abril 2021
LMMeXVSD
   1234
567891011
12131415161718
19202122232425
2627282930  
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas