As secretarías xerais da Emigración e Política Lingüística colaboran con Fundehsga (Fundación para o Desenvolvemento Humano e Social de Galicia) na posta en marcha dun programa formativo sobre a galeguidade na diáspora.

O programa “Cultura Galega e Emigración: a galeguidade na diáspora” conta con tres cursos, o primeiro deles de iniciación, o segundo intermedio e o terceiro superior. O primeiro deles desenvolverase, vía on line, do 5 de abril ao 24 de maio e contará con 150 prazas. 

A matrícula xa está aberta e pode efectuarse na web www.fundehsga.com por rigoroso orde de inscrición a través do formulario. O prazo rematará o 19 de marzo. 

O obxectivo deste programa formativo é abordar o mapeado cultural galego na emigración, con todo o que este achegou tanto aos países de acollida como a Galicia. Cada un dos tres cursos cos que conta esa iniciativa está integrado por catro módulos nos que se abordará a historia e sociedade na Galicia da diáspora, o idioma e escritura galega así como as artes galegas no exterior, e o Camiño e camiños de Galicia no Mundo. O programa pode consultarse no seguinte enlace: https://www.fundehsga.com/formacion/.