(20/12/2019)
A media de traballadores estranxeiros afiliados á Seguridade Social ascende a 2.123.454 en novembro
Ministerio de Traballo, Migracións e Seguridade Social 19/12/2019
A Seguridade Social rexistrou unha media de 2.123.454 traballadores estranxeiros en novembro, 142.374 máis que no mesmo mes de 2018. Isto sitúa a variación interanual no 7,19%.
En novembro, o número de ocupados de orixe foránea decreceu en 26.317 (-1,22%).
Por réximes, a maioría dos afiliados estranxeiros está encadrada no Réxime Xeral, 1.773.130 (este dato inclúe o Sistema Especial Agrario, con 214.518 ocupados, e o de Hogar, con 167.948). Séguenlle o Réxime de Traballadores Autónomos, con 345.792 afiliados, o Réxime Especial do Mar, con 4.491, e o do Carbón, con 41.
De entre os afiliados estranxeiros á Seguridade Social en novembro, 1.268.384 proceden de países de fóra da Unión Europea e o resto (855.070) de países comunitarios. Da cifra total, 1.195.964 son homes e 927.490 son mulleres.
Os grupos de traballadores estranxeiros máis numerosos proceden de Romanía (342.839), Marrocos (265.029), Italia (126.473) e China (108.598). Séguenlles os traballadores nacionais de Colombia (75.048), Ecuador (73.543), Reino Unido (69.508), Venezuela (64.735) e Bulgaria (60.152).
Comunidades autónomas
En termos interanuais, a afiliación de estranxeiros sobe en todas as comunidades autónomas. Galicia (10,29%), País Vasco (9,87%) e Navarra (9,63%) son as autonomías que máis traballadores de orixe foránea sumaron no último ano. A continuación sitúanse Castela e León (8,71%), Cantabria (8,62%) e Aragón (8,04%).
No último mes, a afiliación de estranxeiros subiu na Comunidade Valenciana (2,88%), Región de Murcia (2,26%), Andalucía (1,85%), Illas Canarias (1,37%) e Madrid (1,12%). A afiliación de estranxeiros descende nas demais autonomías, particularmente nas Illas Baleares (-24,37%), Estremadura (-12,11%) e Castela e León (-9,10%).
A afiliación de estranxeiros por comunidades autónomas distribúese así:
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas