(03/05/2019)
Só 129.271 dos 2.009.336 españois no exterior lograron sortear as trabas impostas e votar nas xerais
Redacción, Vigo | 02 Maio 2019 - Crónicas da Emigración
A moza Gabriela Marcos González deposita o seu voto no consulado de Venezuela.
Só o 6,1% dos españois no exterior puido sortear todas as trabas e exercer o seu dereito a voto desde o exterior nestas eleccións xerais. Dos 2.099.336 españois que están rexistrados no Censo Electoral de Residentes Ausentes (CERA) foron aprobadas un total de 182.545 solicitudes de voto e puideron votar 129.271 persoas, é dicir conseguiu votar o 70,8% dos electores cuxas solicitudes foron admitidas.
Estes datos de participación no exterior son similares aos das eleccións xerais de xuño de 2016, onde a participación foi do 6,2% e, en todo caso, moi afastados dos datos anteriores á implantación do voto rogado en 2011, cando a participación do exterior situábase en torno ao 35%.
A mobilización desde diferentes ámbitos e desde as redes sociais para estas eleccións foi moi ampla e as protestas respecto ao voto rogado moi numerosas. As queixas xa comezaron na dificultade de rogar o voto a tempo, xa que se atopaban con problemas por non ter fax, por non poder confirmar se o fax mandado chegaba a tempo ou polo mal funcionamento da páxina do Instituto Nacional do Estatística (INE), que impediron rogar o voto.
Unha vez solicitado, os españois tiñan que esperar que lles chegasen as papeletas e aquí as cousas complicábanse aínda máis, xa que moitas papeletas non chegaban por servizos de correos pouco eficientes en moitos países ou directamente inexistentes como o caso de Panamá que non conta con repartición domiciliaria. Tamén houbo casos en que a documentación chegou sen os sobres necesarios para poder votar.
Moitos quedáronse ás portas de poder votar e queixábanse a través das redes sociais de que as papeletas para exercer este dereito chegáronlle ao día seguinte de que finalizase o prazo para poder facelo.
Unha vez que os electores estaban en posesión das súas papeletas quedaba o trámite máis sinxelo votar por correo –algunhas veces tendo que pagar por un correo certificado– ou votar nos consulados e embaixadas, coas colas que se formaron nalgúns deles.
Ao acabar todo este confuso proceso, moitos se preguntaban se valía a pena porque non tiñan certeza de que o seu voto chegase a tempo para entrar no reconto electoral que comezou este mércores. Neste sentido, a plataforma Marea Granate asegurou que hai valixas diplomáticas que non chegaron a tempo para o recordo do voto exterior.
Supresión do voto rogado
Esta gran demanda social respecto ao voto rogado calaou nos partidos políticos que alcanzaran un acordo para a súa supresión, pero a convocatoria adiantada de eleccións fixo que se paralizase o cambio na Lei Electoral.
Agora, todos os sectores da emigración lémbranlle a Pedro Sánchez o seu compromiso coa supresión do voto rogado e pídenlle que sexa unha prioridade. O obxectivo é que, unha vez pasadas as eleccións municipais, autonómicas e europeas, suprímase o voto rogado de maneira inmediata e non se espere ata o final da lexislatura.
A esperanza destes colectivos é que estes dous procesos electorais –abril e maio– sexan os últimos do voto rogado.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas