Trece inmigrantes mortos e once desaparecidos nunha nova traxedia no Estreito

(21/12/2018)

Trece inmigrantes mortos e once desaparecidos nunha nova traxedia no Estreito

Máis 750 persoas pereceron nunha patera no que vai de ano

O Estreito segue converténdose nunha fosa de cadáveres sen nome. Este xoves, noutra tráxica xornada neste paso crave na inmigración ilegal, perderon a vida trece inmigrantes e outros once continúan desaparecidos, segundo os datos de Salvamento Marítimo. Buscábaselles desde hai dous días cando se tivo constancia de que partiran de Marrocos e non chegaran a terra. Eran 55 persoas que navegaban nunha precaria embarcación, que foi avistada polo buque de investigación Hespérides na madrugada do pasado xoves.

Once dos ocupantes da patera terían desaparecido durante a travesía e outros once terían morto sen caer ao mar neste traxecto. Os cadáveres e os 33 sobreviventes, 29 homes e catro mulleres, foron desembarcados en Almería . Un dos migrantes faleceu cando o barco que os rescatou chegou a porto. Os sobreviventes atribuíron a morte dos seus once compañeiros de viaxe á inxesta de auga do mar, o que contribúe á deshidratación, e ao frío que pasaron estes dous días no mar.

Pero aínda faltaban outras catro pateras das que se tiña constancia que estaban a intentar alcanzar a costa andaluza. Horas máis tarde, Salvamento Marítimo indicou que Marrocos rescatou tres das embarcacións, buscadas en Alborán, mentres que o buque SAR Mastelero interceptou outra na que navegaban 57 persoas, entre elas dez mulleres e tres nenos. Con eles viaxaba o cadáver doutro migrante que falecera durante a travesía.

A cifra de mortos no Estreito non deixa de aumentar. Tras a xornada deste xoves, o número de persoas que perderon a vida no mar tratando de alcanzar as costas españolas elévase a 750, un 70 % máis que en todo o 2017. Este notable incremento débese ao desprazamento cara a España dos fluxos migratorios que antes de dirixían a Italia e Grecia, segundo varias oenegués.