(05/12/2018)
A Fundación Carlos Velo colabora cun estudo sobre os documentais da emigración galegos
José Manuel Mouriño é o autor desta investigación aínda en desenvolvemento
Ourense, 3 de decembro. O investigador e cineasta José Manuel Mouriño está a preparar un estudo sobre os documentais da emigración galegos, imaxes que se enviaban aos emigrantes, sobre todo os que vivían en Sudamérica, para que puidesen lembrar como era a súa terra e “case poder abrazar esas imaxes”. A investigación conta co soporte da Fundación Carlos Velo, xa que, en palabras da súa presidenta, Carmen Leyte, “a emigración forma parte das nosas raíces”.
José Manuel Mouriño explicou que este fenómeno, tamén coñecido como correspondencia cinematográfica galega, é singular en Europa, e por iso quere achegar o seu estudo ás fórmulas que se utilizaban noutros países con tradición emigrante, como Irlanda ou Italia.
Trátase dunha investigación histórica que está aínda en desenvolvemento, e coa que Mouriño tamén pretende mostrar que pode achegar ao cinema esta fórmula dos documentais da emigración galegos.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas