Carlos Ferrás Sexto «Ofrecemos postos de baixa cualificación e exportamos man de obra cualificada»

(19/09/2018)

Carlos Ferrás Sexto «Ofrecemos postos de baixa cualificación e exportamos man de obra cualificada»

La Voz de Galicia
E. E.
A Coruña / A Voz 19/09/2018

A Coruña responde os parámetros demográficos actuais en Galicia: unha poboación cada vez máis envellecida, coa xente nova fincándose nos municipios da contorna expulsados polo prezo da vivenda ou buscándose a vida nas grandes cidades do país e de Europa. Cóntao Carlos Ferrás Sexto, profesor de Demografía da USC. «Nas zonas suburbanas das cidades aglutínanse as taxas de natalidade máis altas e as persoas máis novas», conta, e indica que hoxe «non hai substitución xeracional» e que se os números globais aguantan é pola inmigración.

«Ofrecemos postos de traballo de baixa cualificación e exportamos man de obra con mozos cada vez máis cualificados», di, e indica que en Galicia «o mercado laboral é escaso e moi competitivo», polo que resulta difícil atopar saídas aquí. «Están a chegar adultos coas súas familias, xubilados e refuxiados de crises políticas como a de Venezuela, que buscan as cidades para vivir e traballo no comercio e a hostalería», di.

A agricultura, a construción, a limpeza, a hostalería, o comercio e o coidado de persoas son os principais nichos de emprego para quen chega a Galicia e á Coruña. Mentres, os mozos de aquí buscan un emprego en Barcelona, Madrid e outras grandes urbes europeas.