Redondela elixe a emigración para lembrar a Rosalía 133 anos tras a súa morte

(17/07/2018)

Redondela elixe a emigración para lembrar a Rosalía 133 anos tras a súa morte

No acto inaugural estiveron presentes, ademais do escultor, o secretario xeral de Política Lingüística, Valentín García, e o deputado autonómico Alberto Pazos

A REXIÓN INTERNACIONAL 17/07/2018

O municipio pontevedrés de Redondela elixiu a emigración para lembrar a Rosalía de Castro cando se cumpren 133 anos da súa morte.

Na Alameda de Rosalía de Castro, en Chapela, instalouse unha estatua da autora cun libro na man esquerda e unha pluma na dereita.

A obras do escultor ourensán Toni Ferrer atópase preto do parque infantil mirando ao mar, xa que tal e como lembrou no acto institucional a concelleira de Cultura, Teresa París, "un dos seus últimos desexos antes de morrer foi que abrisen unha xanela para ver o mar". Con esta inauguración a imaxe da autora de "Cantares Gallegos" quedará "unida a Chapela" comentou o alcalde Javier Bas na súa intervención.

O obxectivo será crear toda unha seria de actividades e intervencións que acheguen Rosalía aos veciños da parroquia. Algunhas destas iniciativas estarán destinadas aos escolares con charlas nos colexios. Ademais, tamén se colocarán placas con versos da poetisa en diferentes enclaves.

No acto inaugural tamén estiveron presentes, ademais do escultor, o secretario xeral de Política Lingüística, Valentín García, e o deputado autonómico Alberto Pazos. En febreiro o pleno municipal aprobou pasar a denominar a Alameda de Chapela como de Rosalía de Castro a proposta do Servizo de Normalización Lingüística.