GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Os ministros de Interior e Xustiza da UE reuniranse o 14 setembro para abordar a crise migratoria

(31/08/2015)

Os ministros de Interior e Xustiza da UE reuniranse o 14 setembro para abordar a crise migratoria



Inmigrantes buscando traspasar la frontera.
Inmigrantes buscando traspasar a fronteira. VASSIL DONEV EFE

POR EFE



Actualizado: 30/08/2015



Os ministros de Interior e Xustiza da Unión Europea reuniranse o próximo 14 de setembro de forma extraordinaria en Bruxelas para abordar a crise migratoria e de refuxiados, informou hoxe a presidencia luxemburguesa correspondente.

"A situación do fenómeno migratorio fóra e dentro da UE adquiriu recentemente proporcións sen precedentes", declarou o Goberno luxemburgués.

"Co fin de avaliar a situación sobre o terreo, as accións políticas que están a ser implementadas e para abordar os próximos pasos a dar para reforzar a resposta comunitaria, o ministro luxemburgués de Inmigración e Asilo, Jean Asselborn, decidiu convocar un Consello extraordinario de ministros de Interior e Xustiza da UE", indicou.

Na reunión, a Axencia de Control de Fronteiras Exteriores (Frontex) da UE e a Oficina Europea de Apoio ao Asilo (EASO) informarán os ministros comunitarios dos fluxos migratorios e a continuación os titulares de Interior e Xustiza centraranse en analizar "a programación do traballo futuro, en particular a política de devolucións, a cooperación internacional e as medidas para previr o tráfico con emigrantes".

Asselborn convocou o consello extraordinario despois de que os ministros de Interior de Francia, Alemaña e o Reino Unido, Bernard Cazeneuve, Thomas de Maizière e Theresa May, pedisen á presidencia luxemburguesa correspondente nas últimas horas que organice tal reunión nas próximas semanas pola chegada excepcional de inmigrantes e demandantes de asilo a territorio comunitario.

 

Os ministros reclamaron a cita en menos de dúas semanas para poder "así preparar eficazmente as decisións" do próximo consello ordinario de Xustiza e Interior que se celebrará o 8 e 9 de outubro " e avanzar concretamente en diferentes puntos".

Os representantes dos tres países "subliñaron a necesidade de tomar medidas inmediatas para facer fronte ao desafío que constitúen estes fluxos migratorios".

En particular, destacaron a urxencia de poñer en marcha "o antes posible, como moi tarde antes do fin de ano", centros en Italia e Grecia que permitan rexistrar aos inmigrantes na base Eurodac e identificar aqueles con "necesidade manifesta de protección".

Ademais, instaron a establecer unha lista de países de orixe segura para poder completar o réxime común europeo de asilo, protexer os refuxiados e asegurar a efectividade das devolucións dos inmigrantes indocumentados aos países de onde proveñen.

Asselborn asegurou que ata a celebración do consello extraordinario o 14 de setembro el continuará as súas visitas e contactos sobre o terreo e preparará a cita en estreita consulta cos seus socios da UE e as institucións comunitarias.

 

 

Novas e Actualidade


Titulares
Histórico


 ACTIVIDADES

Decembro 2019
LMMeXVSD
1234567
891011121314
15161718192021
22232425262728
293031    
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas