Miranda entregou a Francisco Lores o premio 'Insua dous Poetas', de Cultura Galega na Emigración

(21/07/2015)

Miranda entregou a Francisco Lores o premio 'Insua dous Poetas', de Cultura Galega na Emigración

Redacción, Carballiño | 20 Xullo 2015 -




Francisco Lores, acompañado por Antonio Rodríguez Miranda, durante a súa intervención no acto.

Francisco Lores Mascato recolleu o premio 'Insua dous Poetas', na súa modalidade de Cultura Galega na Emigración, de mans do secretario xeral de Emigración, Antonio Rodríguez Miranda.

Francisco Lores Mascato é presidente da Federación de Asociacións Galegas da República Arxentina, á que pertence o Museo da Emigración Galega (MEGA) que funciona en Bos Aires, e cuxo objectivo é "adquirir, protexer, conservar, investigar, comunicar e exhibir o patrimonio material e inmaterial do colectivo galego vinculado á emigración, ao exilio e ao seu ámbito, co propósito do estudo, educación e deleite do público".

Precisamente, as fórmulas para a conservación do importante acervo cultural vinculado á diáspora e a súa transmisión ás próximas xeracións foi o eixe da conversación que a semana anterior mantiveron Lores Mascato, Rodríguez Miranda e o propio presidente da Xunta, Alberto Núñez Feijóo, na audiencia que este concedeu ao agora galardoado.