GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Renzi ameaza cun plan B sobre inmigración ante unha UE «egoísta»

(15/06/2015)

Renzi ameaza cun plan B sobre inmigración ante unha UE «egoísta»

 

O primeiro ministro italiano reclama que Europa cambie as leis de asilo

 

Roma / Correspondente, 15 de xuño de 2015.

 

 

 

Matteo Renzi ameazou con endurecer a política sobre inmigración de Italia , si Europa non se mostra máis solidaria. Unha liña dura confirmada polo ministro do Interior, Anxelino Alfano, que anunciou que «Italia cambiará de comportamento» ante «unha Europa egoísta». O presidente de Goberno italiano explicou que ten preparado un plan B aínda que non especificou en que consiste, si no cume da UE que se celebrará o 25 e o 26 de xuño, non hai cambios nas leis sobre asilo político.

 

«Debemos cambiar os principios do tratado de Dublín II», declarou ao Corriere della Sera, na que ademais cualificou de «insuficiente» e «case unha provocación» a proposta de repartir só a 24.000 solicitantes de asilo sirios e eritreos residentes en Italia entre os estados da UE.

 

Nos próximos días Renzi reunirase co primeiro ministro David Cameron e o presidente Françoise Hollande, e manterá contactos coa chanceler Angela Merkel e Jean-Claude Juncker, presidente da Comisión Europea, para intentar chegar a un acordo sobre inmigración. Renzi insiste ademais en que «a comunidade internacional é responsable do que ocorre en Libia», de onde paren as pateras que chegan á costa italiana e por iso non se lle pode dar as costas a ese país.

 

Italia considera que o sistema de cotas non soluciona o problema xa que ata agora chegaron ao país máis de 57.000 inmigrantes aos que hai que sumar uns 16.000 chegados a Grecia. Segundo Renzi, son substancialmente os mesmos números do pasado ano cando a metade de xuño chegaran case 54.000 persoas. A final de ano calcula que serán máis de 150.000.

 

Crise na frontera

O problema agravouse polo peche das fronteiras de Alemaña, Francia e Austria por mor do pasado cume do G7. Renzi recordou que estes inmigrantes non queren quedar en Italia e teñen billetes de tren cara a destinos do norte de Europa.

 

Á espera de que hoxe se abran as fronteiras, Italia ha ter que improvisar campos de acollida para as persoas atrapadas nas súas estacións e fronteiras. Na estación central de Milán, os inmigrantes foron desaloxados e situados en «cubos» de plexiglás que se usan como espazos comerciais, aínda que moitos preferiron pasar a noite nos xardíns e na praza.

 

En Roma instalouse unha gran tenda con capacidade para 150 persoas mentres as mulleres e nenos foron acollidos nun centro próximo á estación Tiburtina. Sobre as rocas do porto e baixo mantas isotérmicas pasaron a noite unhas 40 persoas que non quixeron afastarse do posto fronteirizo franco-italiano de Ventimiglia, mentres outro grupo se acubillaba da choiva nun túnel.

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas