GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Cruz Vermella: a solución á inmigración é a intervención humanitaria en Libia

(24/04/2015)

Cruz Vermella: a solución á inmigración é a intervención humanitaria en Libia



EFE
- Roma

23/04/2015 -


Cruz Roja: la solución a la inmigración es la intervención humanitaria en Libia
Cruz Vermella: a solución á inmigración é a intervención humanitaria en Libia



O presidente da Cruz Vermella en Sicilia, Rosario Valastro
, considerou hoxe que a solución ao problema da inmigración no mar Mediterráneo pasa por realizar unha intervención humanitaria en Libia para evitar máis mortes.

"A solución é que a comunidade internacional realice unha intervención humanitaria en Libia para entender como facer para previr as causas da inmigración e evitar máis mortes", afirmou Valastro nunha entrevista con Efe
.


Para Valastro
, Libia actualmente está sumida nunha "situación dramática", onde miles de persoas "viven en condicións inhumanas" e "son explotados ou vítimas de violencia".

O presidente da Cruz Vermella siciliano lamentou o elevado número de inmigrantes que chegan cada día ás costas italianas e asegurou que obviamente non emprenden unha viaxe de pracer, senón que "escapan dunha guerra" ou "vense obrigados a saír de Libia".

"O que nos contan moitos refuxiados que desembarcan cada día é que se ven obrigados a saír de Libia nesas barcazas. Ou escapan da guerra. En ningún caso se trata dunha decisión por gusto, senón que se ven levados a estas viaxes en condicións inhumanas", relatou.

Nacido en Catania (Sicilia) en xullo de 1974, Valastro explicou que normalmente os inmigrantes que son socorridos cada día nas augas da Canle de Sicilia
parten dende Libia, pero proceden de diversos países de África: "Somalia, Eritrea, Gambia... ".

Para Valastro, a solución non está en impedirlles que saian dende Libia, "porque é certo que non morrerán no mar, pero posiblemente sexan asasinados" neste país.

"A solución para salvar vidas é activar os corredores humanitarios para que as persoas que escapan da guerra, da violencia, fagan unha viaxe segura e non se poñan á mercede de traficantes de seres humanos cos que atravesan o mar de forma perigosa", sentenciou.

Merecedor da medalla de prata ao mérito da Cruz Vermella en 2003, Valastro axuda diariamente aos centos de inmigrantes que son desembarcados de naves da Garda Costeira e da Mariña Militar italiana nos portos de Sicilia
.

Por iso puido ver e conversar con algúns dos 28 superviventes do recente naufraxio fronte ás costas libias onde cre que preto de 850 persoas poderían ter perdido a vida.

Vímolos e puidémolos escoitar as poucas palabras que querían dicirnos porque estaban verdadeiramente traumatizados coa viaxe. Se xa de por si os refuxiados que chegan veñen desesperados, estes viñan aínda peor", afirmou.

E engadiu: "Nestes momentos estanse a recuperar pouco a pouco. Dispoñen de toda a asistencia médica que necesitan, están comendo e pouco a pouco están a recuperar as forzas".

Valastro detallou o proceso que viven os refuxiados que chegan a Italia: primeiro, dixo, "sométense a un recoñecemento médico de primeira asistencia no que se lles determina se necesitan ser trasladados a hospitais ou se precisan medicinas".

Posteriormente, reciben auga, comida, roupa e produtos de hixiene para cubrir as súas necesidades primarias.

Ademais, ilustrou, inténtaselles "poñer en contacto con familiares que poidan ter, en caso de que esperen a alguén ou que alguén lles estea buscando,".

Este proceso non dura demasiado tempo, contou Valastro
, pois "de inmediato son trasladados en autobuses a centros de acollida", onde permanecen "o tempo necesario".

Pero os centros de acollida das zonas do sur de Italia como Sicilia, Lampedusa ou Campania
"están colapsados", polo que ás veces son transferidos a centros de acollida doutras zonas do país.

Xa máis adiante, cando se encontren en boas condicións, iniciarán os trámites para solicitar asilo en Italia ou noutros países de Europa.

A súa petición será estudada polas autoridades daqueles estados que a confirmarán ou a denegarán nun período que depende de cada país.


Por Laura Serrano-Conde

 

 

Novas e Actualidade


Titulares
Histórico


 ACTIVIDADES

Agosto 2019
LMMeXVSD
   1234
567891011
12131415161718
19202122232425
262728293031 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas