Concentración de emigrantes retornados en Ferrol

(03/02/2015)

Concentración de emigrantes retornados en Ferrol

O colectivo entregou recursos para que lles sexan retiradas as sancións impostas

R.P.P. 02/02/2015

ANGEL MANSO


A plataforma de emigrantes retornados de Ferrolterra, Eume e Ortegal concentrouse esta mañá fronte á delegación de Facenda de Ferrol para protestar pola súa situación. Unha vintena de persoas asistiron a esta acción, na que, ademais de expoñer as súas reivindicacións, entregaron os recursos persoais para esixir que lles sexan retiradas as sancións impostas polo Ministerio de Facenda.

A acción contou co apoio do BNG de Ferrol, que o pasado xoves levaba a pleno unha moción en apoio ao colectivo, que foi rexeitada cos votos de PP e IF, a pesar de que PSOE, EU e BNG a avalaron.