Os retornados da Mariña convocan unha asemblea comarcal para afectados, o mércores

(26/01/2015)

Os retornados da Mariña convocan unha asemblea comarcal para afectados, o mércores

Protesta dos emigrantes retornados en contra das sancións ás pensións do exterior.



A Rexión Internacional 26/01/2015


Emigrantes Retornados da Mariña convocaron ás 19,00 horas do mércores 28, no Cenima de Foz, unha asemblea comarcal aberta aos afectados polas sancións das pensións do exterior para "definir" o plan de traballo "dos próximos meses".

Por outra parte, recalcaron que o seu problema coa fiscalidade "non" está rematado", a pesar de que o Goberno español e galego si o digan. Así, este grupo de emigrantes da Mariña lucense sinalaron que, ao longo de ano e medio, "fixeron fronte" ás reclamacións tributarias con intereses e sancións aplicadas sobre os últimos catro anos.

"As nosas pequenas pensións están servindo para manter fillos e netos no paro", clamaron, posto que, na "maioría" dos casos, estas "non" chegan a 22.000 euros" anuais.

Ademais, remarcaron que a Axencia Tributaria "non" informou con transparencia" sobre a obriga de declarar pensións procedentes de estados estranxeiros e que asaltou os seus "pequenos aforros" cando "máis" o necesitaban.

Por último, puntualizaron que o período de regularización vai servir á Axencia Tributaria para lograr cuantiosos ingresos "moi por enriba" das cantidades que vai ter que devolver en sancións e intereses cobrados.