(18/11/2014)
18.11.2014 | La Opinión
O fenómeno da emigración en Galicia acentuouse no segundo semestre do pasado ano. O Instituto Nacional de Estatística (INE) xa avisara no seu primeiro avance, cos datos de xaneiro a xuño, que o éxodo poboacional collía voo en 2013. Co exercicio pechado, os datos son contundentes. Cada día deixaron a comunidade 84 persoas, ou o que é o mesmo, durante o pasado ano abandonaron Galicia 30.709 persoas, dos que 10.300 eran de nacionalidade estranxeira. Pola contra, reduciuse o fluxo de entradas e quedou en 27.876 o número de persoas que decidiron establecer a súa residencia na comunidade galega, 10.000 delas estranxeiras. Máis importante que as cifras é o cambio de tendencia dos movementos migratorios na comunidade. En anos anteriores, mesmo durante a crise, tamén había emigración, pero a perda de poboación compensábase coa incorporación dun número superior de inmigrantes ou españois que vivían noutros países. Con todo, isto cambiou en 2013 e por primeira vez fóronse de Galicia en termos absolutos máis persoas das que chegaron, unha diferenza que xera un saldo negativo de -2.833.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas