O mercado laboral galego perdeu nun ano 27.100 mozos

(01/08/2014)

O mercado laboral galego perdeu nun ano 27.100 mozos



30.07.2014 | Faro de Vigo



A emigración de mozos ao estranxeiro en busca de saídas laborais pode rematar pasando factura á economía galega. O mercado galego está a perder poboación activa, o que pode ter efectos sobre a natalidade e o futuro financiamento do sistema público de pensións.

O estudo sobre a economía galega explica que no último ano, segundo os datos da Enquisa de Poboación Activa, a poboación de entre 16 e 35 anos en Galicia descendeu en 27.100 persoas, un colectivo que "coincide co grupo máis educado e con máis propensión a emigrar".

En canto á reforma laboral, o profesor Alberto Meixide asegura que si contribuíu a crear máis emprego pero "a custa de salarios máis baixos, máis temporalidade e máis contratos a tempo parcial".