«Eles veñen venderse. Dinnos que é unha boa oferta, aínda que tampouco din que sexa a mellor. E é que somos un verdadeiro caramelo para Alemaña. Somos xente moi cualificada, con catro anos de formación, cando alí só teñen dúas. As competencias que ten unha enfermeira alí non teñen nada que ver coas que temos aquí», explicaba Ana López, unha nova estudante de cuarto curso, que renunciou a presentarse porque, «primeiro quero probar sorte aquí, como nos pasa a todos os do último curso».
Con todo, os que si están dispostos a irse son «moitos alumnos que xa acabaron a formación universitaria, e incluso xente que leva en paro catro ou cinco anos e ve nesta oferta unha oportunidade de atopar traballo», apuntou.
