A Casa de Galicia de Valladolid presentou a Miranda as actividades previstas para o seu LX aniversario

(09/04/2014)

A Casa de Galicia de Valladolid presentou a Miranda as actividades previstas para o seu LX aniversario


Redacción, Santiago | 08 Abril 2014 - Crónicas da Emigración



Rodríguez Miranda e Fernando Harguindey, durante a reunión.


O secretario xeral de Emigración, Antonio Rodríguez Miranda, recibiu no seu despacho o vicepresidente da Casa de Galicia de Valladolid, Fernando Harguindey, quen lle presentou as actividades previstas para o sesaxésimo aniversario da súa entidade, que terá lugar o próximo 23 de novembro.

Arredor desa data terá lugar unha semana cultural, organizada pola propia Casa, na que, entre outras accións previstas, a comunidade galega e a de acollida poderán gozar de conferencias, exposicións e actuacións de índole musical, para as que o secretario xeral comprometeu a colaboración da Xunta.

A Casa de Galicia de Valladolid conta con medio millar de socios, dos que a metade son galegos de nacemento. Posúe un local social de tres plantas situado nunha zona céntrica capitalina castelá, con sala de reunións, salón nobre, salón de xogos, salón xuvenil (dotado con ordenadores interconectados e acceso á Rede), cafetaría, cociña e comedor. Fai falta destacar a súa importante biblioteca con máis de 2.500 exemplares.