-Hai uns días volveu a saltar a polémica por un informe de Camiñando Fronteiras...
-Polémicas hai moitas, pero por agora non se demostrou a relación da actuación da Garda Civil coas mortes. Hai unha investigación de índole xudicial e hai que esperar a que termine.
-¿E que propón para frear os fluxos migratorios que teñen consecuencias como esa?
-A solución non é quitar as fronteiras, habería que entrar no elemento de motivación e desenvolver políticas de colaboración e axuda cos países de orixe destas persoas.
-¿Tería que haber un acordo conxunto na Unión Europea?
-Digamos que tanto Ceuta como Melilla son a porta dunha casa que é Europa. Porque o subsahariano non pensa en quedar en Ceuta, Melilla ou no resto de España, quere ir a un lugar onde lle entendan. A maioría dos que chegan falan francés ou inglés. Xa que logo, igual que hai unha política agraria ou pesqueira común, tería que existir unha política migratoria común para o conxunto dos países da UE, cunha maior implicación orzamentaria desta última. España non pode ser a única que sosteña os gastos da política de inmigración.