A Xunta dará 197.000 euros a emigrantes retornados para que se empreguen

27 de febreiro de 2014 

A Xunta repartirá este ano 197.000 euros a emigrantes galegos retornados á comunidade para promover entre eles o autoemprego e o emprendimiento. A través do Diario Oficial de Galicia, a Administración puxo en marcha onte a segunda edición dunha liña anual de axudas que cuadriplica en dotación á primeira, a do 2013. Así, entregará ata 6.000 euros a quen se dean de alta como autónomos ou traballadores por conta propia (4.000 no caso de que sexan homes e maiores de 39 anos) e un máximo de 8.000 aos que funden sociedades laborais ou cooperativas de traballo asociado (6.000 para homes que teñan cumprido os 40).