GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O si de Suíza á cota migratoria sorprende á colonia galega

(10/02/2014)

O si de Suíza á cota migratoria sorprende á colonia galega

Os helvéticos aprobaron cun 50,4 % dos votos unha iniciativa que pretende pór couto á entrada de emigrantes da UE

Escrito por:

10 de febreiro de 2014  

 

Protesta en Zúric contra a cota de estranxeiros. STEFFEN SCHMIDT efe

Non llo esperaban. A axustada aprobación, co 50,4 % dos votos, da iniciativa do ultradereitista Unión Democrática de Centro (UDC) de limitar a entrada de inmigrantes europeos a Suíza colleu por sorpresa á colonia galega nese país centroeuropeo, onde viven 37.995 galegos. «A verdade é que non se esperaba unha dobre aceptación desta proposta [cidadanía e cantóns]», explica a exdiputada no cantón de Xenebra e expresidenta do Parlamento dese cantón, a galega Loly Balay. E desde o centro Sementeira en Basilea, o seu vicepresidente, Jesús Castiñeira, comenta que «non nos pode caer moi ben porque é unha limitación de dereitos e o único que fai é complicar e facer máis burocrático todo e non resolve nada».

O problema ao que alude este emigrante galego é o dumpin salarial que se está producindo e que sofren especialmente cantóns como o fronteirizo de Tesino, onde chegan centenares de italianos que aceptan traballos por un salario moi inferior ao que é habitual en Suíza. De aí, comenta Balay, que o resultado poida explicarse por «o temor dos suízos a esa competencia desleal en tema de soldos porque, aínda que baixo, aquí tamén hai un índice de paro do 4 %, porcentaxe que chega ao 6 % en Xenebra».

 

Un cambio

E a responsable do centro galego A Nosa Galiza nesa última capital, Pilar Carril, apunta que «aquí moitas veces non collen aos parados e traen traballadores de Francia. De feito, hai moitos galegos que, tras ter volto para Galicia hai cinco ou dez anos, regresan agora e ven que isto cambiou moito. Chegan aquí e están sen nada».

A votación estivo dividida entre os cantóns francófonos, favorables ao non; os que falan alemán, máis divididos sobre a proposta, e os italianos, que avalaron pór o couto que propón o UDC. A súa proposta recolle que no futuro só se permita unha inmigración regulada por cotas que estarán marcados por «o interese xeral da economía do país».

Despois de que os suízos lle desen luz verde, o seu Goberno está obrigado a pór en marcha unha lei que a regule. E ten tres anos para negociar coa UE os acordos vixentes porque o resultado da consulta implica que deberá de cambiar o tratado acordado coa UE mediante o que se comprometía a permitir a liberdade de movemento cos países comunitarios. A reforma afectará aos galegos que queiran emigrar por primeira vez ou regresar a Suíza, un fenómeno que volveu a florecer nos últimos anos.

 

Bruxelas lamenta a aprobación de cotas de inmigración en Suíza, mentres que Marine Le Pen o celebra

A Unisón Europea destaca que a medida «vai en contra do principio de libre circulación de persoas entre a UE e Suíza» pactada no Acordo de Schengen

A Comisión Europea lamentou a aprobación este domingo en referendo dunha iniciativa que obriga ao Goberno suízo a reinstaurar as cotas anuais para a entrada de estranxeiros no país, incluídos os da UE.

«A Comisión Europea lamenta que a iniciativa para a introdución de cotas sobre a inmigración teña sido aprobada en votación», sinala a Comisión nun comunicado oficial.

Bruxelas destaca que a medida «vai en contra do principio de libre circulación de persoas entre a UE e Suíza» pactada en virtude do coñecido como Acordo de Schengen. Por iso «a Unión examinará as implicacións desta iniciativa nas relacións globais entre a UE e suíza. «Neste contexto, a posición do Consello Federal (Goberno suízo) sobre o resultado será igualmente tido en conta», advirte.

A proposta, impulsada polo Partido Popular suízo, logrou o respaldo do 50,3 por cento dos votantes (1.463.954 votos), fronte ao 49,7 por cento que a rexeitou (1.444.438 votos), segundo datos oficiais. A participación foi do 56,5 por cento.

A proposta «contra a inmigración en masa» busca reintroducir as cotas de entrada de estranxeiros no país e renegociar coa Unión Europea os termos do acordo sobre a libre circulación de persoas recollido en Schengen.

A medida afectaría aos ata 80.000 traballadores estranxeiros -tres cuartas partes deles procedentes de países da Unión Europea- que chegan cada ano a Suíza desde a introdución hai 15 anos do acordo de libre circulación coa UE.

De acordo co texto da iniciativa, Suíza e a Unión Europea terían un prazo límite de tres anos para renegociar o acordo de libre circulación. De non concretarse unha modificación, o pacto quedaría anulado, e afectaría gravemente a outros acordos relacionados co bloque europeo.

No outro lado, a líder do partido ultradereitista francés Fronte Nacional, Marine Le Pen, felicitou aos suízos pola aprobación este domingo en referendo da reinstauración das cotas anuais de inmigración incluso para os cidadáns de países da UE.

«Suíza di non á inmigración masiva. ¡Bravo! ¿A Unión Europea vai enviar os tanques?», afirmou Le Pen a través da súa conta oficial na rede social Twitter.

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas