Xoán Patiño, portavoz da plataforma da zona noiesa, sinalaba onte que a finais do 2013 chegaron máis multas. E que, xa que logo, o colectivo segue en contacto coa coordinadora galega para participar en todos os seus actos. De feito, veciños de Porto do Son, Noia, Lousame e Outes viaxaron tanto ata Santiago como a Pontevedra para participar en concentracións.
Pola súa banda, un dos membros máis activos da plataforma de emigrantes retornados de Arousa Norte, o boirense Xosé Deira, sinalou onte que xa teñen constancia duns 80 veciños afectados por este problema. Pero que saben que hai moitos máis. Están a mover ficha en diversos ámbitos, incluso no europeo, para intentar pór couto a esta situación e que as multas non continúen chegando.