«Todos som@s Elena Vázquez»

(13/12/2013)

«Todos som@s Elena Vázquez»

Emigrantes retornados da Mariña volveron protestar en Foz ante Facenda

Elena Vázquez, veciña de Cervo e emigrante retornada, efectuou onte o pagamento de 2.644 euros pola multa -intereses incluídos- que lle impuxo Facenda por non cotizar as pagas de cinco anos da pensión do seu marido. Para expresarlle o seu apoio, a Coordinadora Nacional Galega de Emigrantes Retornad@s convocou unha manifestación na que se deu lectura a un manifesto cun significativo título: «Todos som@s Elena Vázquez», no que se dixo que ela pon cara aos afectados pola «brutal, inmoral e inxusta campaña de recadación que están a facer contra nós a Facenda española». Ao redor de medio centenar de persoas, baixo a vixilancia da Garda Civil que colaborou en todo momento, concentráronse con pancartas para mostrar a súa solidariedade con Elena Vázquez.