Segundo datos municipais, desde 1996, cando comezou a elaboración do actual padrón en toda España, cuxos datos manexa o Instituto Nacional de Estatística, déronse de baixa no Concello 445 persoas. É certo que algunhas delas regresaron, pero tamén que bastantes decidiron tomar de novo o camiño de regreso, ou que no último ano marcháronse en gran cantidade e unha parte aínda non está oficialmente dada de alta. Desde o 2012, de xeito oficial, 55 máis, á marxe dunha depuración de 56 das persoa que estaban dobremente rexistradas. A emigración, a Suíza e a outros sitios, é un dos factores que contribúe a que o censo de residentes baixe paulatinamente. Agora está en 5.837 persoas.