GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Francia pecha as portas de Schengen a Romanía e Bulgaria

(01/10/2013)

Francia pecha as portas de Schengen a Romanía e Bulgaria

París esixe a ambos os dous países máis garantías no control das súas fronteiras

Miguel Mora / Lucía Abellán París / Bruxelas 30 SEP 2013 -





Policías franceses vixían o desmantelamento dun campamento xitano o 27 de setembro. / PHILIPPE HUGUEN (AFP)


Francia impedirá a Romanía e Bulgaria que accedan ao espazo europeo de libre circulación Schengen, unha decisión que a Unión Europea debe adoptar antes de final de ano. O ministro de Exteriores, Laurent Fabius, avisou este luns de que se ambos os dous países non garanten un control mellor das súas fronteiras exteriores, París bloqueará o seu acceso aos 26 Estados que forman parte do territorio Schengen. A negativa de Francia, unida a outras expresadas hai meses por Alemaña e Holanda, afastan a adhesión deses dous países á libre circulación.

En plena polémica sobre as dificultades de integración dos xitanos europeos en Francia, tras as declaracións do ministro do Interior, Manuel Valls, o seu colega de Exteriores intenta desvincular a situación dos romaníes da decisión francesa sobre a adhesión de Bucarest e Sofía ao espazo Schengen. Francia, non obstante, mestura dous debates -o da libre circulación de traballadores, á que romaneses e búlgaros terán pleno dereito o 1 de xaneiro de 2014, e o da entrada en Schengen, que depende da decisión dos Estados membros- con tinguiduras populistas, subliñan fontes europeas.

Fabius esgrimiu "o problema dos inmigrantes de países non comunitarios que poderían penetrar libremente en Europa a través de Romanía e Bulgaria", e afirmou que a clave é saber se os dous países serán capaces de controlar as fronteiras exteriores da UE, referíndose a Turquía, Ucraína e o Mar Negro. A conclusión de París é que, "polo momento", Bucarest e Sofía "non" cumpren esas condicións", e isto fai "moi difícil a súa adhesión ao espazo de libre circulación". Segundo o ministro, a inmensa maioría dos países que forman o espazo Schengen comparten esa visión. Malia todo, o Consello Europeo xa ratificou varias veces por escrito que os dous países cumpren as condicións técnicas para acceder a Schengen (a última vez, en marzo deste ano). E esas condicións consisten basicamente no control das súas fronteiras exteriores. Trátase, pois, dun problema político sobre o que os países deberán pronunciarse no Consello de Xustiza e Interior previsto para decembro.

O ministro do Interior reafirmou o domingo que Francia quere limitar a liberdade de circulación de romaneses e búlgaros

Ata agora, Francia era favorable a admitir a romaneses e búlgaros en Schengen, pero a condición de que se fixese en dous tempos: primeiro abrir as fronteiras aéreas, e logo as marítimas e as terrestres. A nova actitude de Francia abre a vía para que outros países, tamén reticentes á libre circulación, expresen abertamente eses receos e bloqueen a entrada en Schengen.

 O que ningún Estado poderá impedir é o libre acceso ao mercado laboral que terán romaneses e búlgaros o ano próximo. Durante o período transitorio que rexeu dende 2007, cando accederon á UE, outros países podían impoñerlles trabas para non saturar os seus mercados laborais. En 2012, Francia ampliou o número de oficios aos que poden acceder dende 150 a 291, e segundo Fabius "iso non supuxo unha chegada masiva de inmigrantes". De feito, os obstáculos son máis cosméticos que reais, pois, como cidadáns comunitarios, romaneses e búlgaros poden circular libremente (con pasaporte, iso si) e establecerse en calquera país un mínimo de tres meses (máis se demostran que teñen ingresos para vivir). E se se lles expulsa, poden volver entrar legalmente.

Fabius intentou onte desmarcarse das recentes declaracións do ministro do Interior, Manuel Valls, sobre os xitanos. "A coherencia non está prohibida", asegurou, e engadiu que os campamentos ilegais de romaníes "crean dificultades sociais e hai menores que rouban". O ministro recordou que a UE inxecta fondos a Romanía para a integración dos romaníes, pero que estes non son utilizados, aínda que admitiu que ese mesmo reproche pode dirixirse a outros países, sen especificar. "Debemos esforzarnos máis", concluíu.

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas