O colectivo defende que os emigrantes non declararon as pensións por descoñecemento e incluso por informacións recibidas en sentido contrario. Sostén que os afectados non son defraudadores e pide á Axencia Tributaria que non lles penalice con multas e cobro de atrasos.

Segundo explicou onte a portavoz da Plataforma, Ana Rodríguez, o colectivo xa recolleu máis dun milleiro de firmas en defensa dos pensionistas.

Ademais, afectados de todos os municipios da contorna contactaron co grupo para sumarse ás súas iniciativas ou requirir información.

Na asemblea informativa celebrada o venres no Principal, a Plataforma local de afectados polas preferentes animou ao colectivo de pensionistas a loitar ata conseguir solucións, como sucedeu no seu caso.