(25/09/2013)
Queres retornar ao teu país e montar un proxecto empresarial?
Programa de retorno voluntario con reintegración a África e Latinoamérica
Parainmigrantes, setembro 24, 2013
A Organización Internacional para as Migracións (OIM) en España coa colaboración e o financiamento do Fondo Europeo para o Retorno e a Dirección Xeral de Migracións, dependente do Ministerio de Emprego e Seguridade Social ten o pracer de informalos da posta en marcha dun programa de retorno voluntario con reintegración para emigrantes procedentes de Colombia, Honduras, Gambia e Senegal en situación administrativa irregular, que desexan retornar voluntariamente ao seu país. Este proxecto ofrece axudas económicas entre 1.500 e 3.500 euros para a posta en marcha de pequenos proxectos nos países de orixe.
Mediante este programa ofrécese de forma gratuíta:
* Información práctica sobre o programa, axudas e beneficios, e sobre o país de orixe.
* Apoio e orientación psicolóxica grupal ou individual co fin de tomar unha decisión de retorno informada.
* Billetes de retorno aos países de orixe e documentaicón de viaxe, se é necesario.
* Axudas de peto e de primeira instalación: 450 euros por persoa para imprevistos de viaxe (cun límite de 2.000 euros por unidade familiar).
* Asistencia técnica e axudas económicas entre 1.500 e 3.500 euros para poñer en marcha un proxecto en Colombia, Honduras, Gambia e Senegal.
* Formación teórico-práctica de 20 horas para a creación dunha micro ou pequena empresa.
Requisitos fundamentais:
- O proxecto vai dirixido a inmigrantes irregulares de Colombia, Honduras, Gambia e Senegal, en situación vulnerable que voluntariamente queiran retornar e teñan motivación para a posta en marcha dun proxecto produtivo.
- Os interesados deben enviar á OIM a seguinte documentación:
-impreso de solicitude (dispoñible na páxina web: www.spain.iom.int )
-informe social (pode pedirse no Centro de Servizos Sociais do Concello no que estea empadroado, nunha ONG ou nunha entidade social: albergue, comedor, etc.)
-fotocopia do pasaporte (de todos os membros que retornan e as follas seladas e con información)
A devandita documentación pódese enviar por fax ao 915943283, por correo electrónico a glara@iom.int ou tbotella@iom.int, ou por correo ordinario ou en persoa na rúa Fernando El Católico, 10, 1º B. 28015 Madrid.
Para máis información pode chamar á OIM ao teléfono 91 594 36 70, dirixirse á páxina web da www.spain.iom.int ou acudir en persoa á oficina en Madrid na Rúa Fernando El Católico, 10, 1º B (Metro Quevedos)
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas