España quere saber onde están os seus emigrantes cualificados

(18/09/2013)

España quere saber onde están os seus emigrantes cualificados

O Universo, Setembro, 2013

O Goberno español pretende radiografar a emigración de profesionais cualificados que pola situación de crise económica se instalaron noutros países como Ecuador.

O ministro de Economía, Luis de Guindos, informou nun encontro con correspondentes estranxeiros que o seu despacho encargou un estudo para analizar o fenómeno.

Segundo o Instituto Nacional de Estatística (INE), os españois empezaron a gañar presenza en Ecuador. Un total de 7.036 persoas instaláronse no país o ano anterior. É o destino preferido polos emigrantes españois por enriba do Reino Unido (6.815), Francia (5.687) ou Alemaña (4.729).

O Executivo de Rafael Correa fixo un chamamento para importar talento ibérico no marco do Proxecto Prometeo que fomenta a investigación ou a través da contratación de docentes para que se incorporen á recén creada Universidade Nacional de Educación (UNAE). España quere unha fotografía desta realidade que se converteu nunha vía de escape para decenas de profesionais abocados ao paro na Península.

De Guindos asegurou na reunión cos xornalistas que o país "deixou atrás a recesión pero a crise económica segue". En 2011, a diferenza doutras nacións europeas, "en España non houbo recuperación; senón unha recaída intensa en 2012", sinalou.

O próximo día 27, o Goberno mellorará as proxeccións da taxa de desemprego para 2013 que en virtude do programa de estabilidade remitido en abril á Comisión Europea  fixouse no 27,1 por cento. O Ministro é optimista e prevé que no segundo semestre deste exercicio a economía española rexistrará "taxas de crecemento positivas".