(10/09/2013)
As multas económicas e reclamacións que desde hai semanas Facenda fai chegar a emigrantes retornados por non ter declarado as pensións que perciben do estranxeiro estase atopado en Galicia -terra de emigrantes- cunha forte resposta social. Sen ir mais lonxe, en Monforte, onte creouse unha plataforma cidadá para plantar cara a unha medida que os seus integrantes consideran inxusta e abusiva. Foi por mor dun acto informativo organizado polo BNG ao que asistiu Xosé Lois Eirós, da Plataforma de Emigrantes Retornados do Salnés que defendeu que é «inadmisible que persigan aos que tivemos que emigrar, achegar divisas e vivir do noso traballo mentres aos auténticos defraudadores fiscais concédeselles a amnistía». Á charla tamén asistiu a deputada nacionalista Tareixa Paz, que cualificou a medida de «inxusta e inmoral» porque «afecta a un colectivo que percibe pensións moi baixas despois de toda unha vida de traballo». Ambos invitaron aos asistentes -preto dun centenar- a participar o día 15 na manifestación que se celebrará en Santiago.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas