GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Seguridade Social perde 188 afiliados estranxeiros en maio en Galicia ata 31.083 e acumula unha caída anual do 8,02%

(25/06/2013)

A Seguridade Social perde 188 afiliados estranxeiros en maio en Galicia ata 31.083 e acumula unha caída anual do 8,02%

Gaña 32.115 afiliados estranxeiros en maio no conxunto do Estado e suma tres meses a alza

EUROPA PRESS. 20.06.2013

O número de afiliados estranxeiros á Seguridade Social baixou en 188 persoas en maio en Galicia ata os 31.083 cotizantes, o que supón un descenso mensual do 0,6%. O decrecemento interanual na comunidade é do 8,02%, con 2.710 cotizantes estranxeiros menos que no mesmo mes de 2012, segundo datos do Ministerio de Emprego e Seguridade Social.

La Seguridad Social pierde 188 afiliados extranjeros en mayo en Galicia hasta 31.083 y acumula una caída anual del 8,02%

No conxunto do Estado, a Seguridade Social gañou 32.115 cotizantes estranxeiros en maio, un 2% en relación a abril, ata situarse o número de inmigrantes en alta en 1.651.390 ocupados. Co repunte de maio, a afiliación de estranxeiros encadea tres meses consecutivos de incrementos tras sumar 7.746 e 15.138 cotizantes non nacionais en marzo e abril, respectivamente.

No caso galego, a maior caída mensual experiméntaa a provincia da Coruña, con 148 afiliados estranxeiros menos (-1,3%), mentres Ourense perde 42 (-1,05%) e Lugo 8 (-0,16%). A única provincia que gaña cotizantes estranxeiros é Pontevedra, con 10 (0,09%).

Non obstante, na comparativa interanual, é Pontevedra a que perdeu máis inmigrantes afiliados con respecto ao mesmo mes de 2012 -1.071 (-8,73%)-, mentres que A Coruña perde 850 (-7,01%), Lugo 445 (-8,78%) e Ourense 344 (-7,94%).

Do total de inmigrantes de alta ao finalizar o pasado mes de maio en Galicia, 24.654 cotizaban no Réxime Xeral -18.736 no xeneral sen incluír sistemas especiais, 1.174 no agrario e 4.744 no de fogar-; 5.019 no de autónomos; e 1.409 no de mar.

Galicia rexistra o 1,88% de afiliados estranxeiros de España e, dos 31.083, un total de 12.484 proceden da Unión Europea (UE), con 6.840 de Portugal, 2.197 de Romanía, 958 de Italia e 502 de Francia, entre os países que máis cotizantes achegan.

Os outros 18.599 teñen a nacionalidade de países de fóra da UE. Os que máis cotizantes de fóra do marco comunitario achegan son Brasil (2.022), Colombia (1.994), Marrocos (1.467), Perú (1.429), China (1.396) e a República Dominicana (1.234).

Por sectores de actividade, dentro do Réxime Xeral un 19,24% (4.744) traballan no ámbito do fogar e 18,39% (4.535) na hostalaría. No réxime de autónomos, o comercio, con 1.795 cotizantes (un 35,77%) e a hostalaría, con 1.074 (21,39%) son as actividades con máis afiliados estranxeiros.

Datos estatais

Do total de inmigrantes en alta ao finalizar o pasado mes de maio, 1.425.521 cotizaban ao Réxime Xeral; 220.935 ao de Autónomos; 4.633 ao do Mar, e 301 ao do Carbón.

En termos interanuais, a afiliación de estranxeiros á Seguridade Social baixou en 88.452 cotizantes, un 5,08%, taxa que contrasta co -3,7% do conxunto do sistema.

Segundo Emprego, estes datos constatan que se mantén a tendencia xa apuntada nos meses anteriores de que a perda de emprego está a afectar con maior intensidade aos traballadores estranxeiros que aos nacionais.

Todos os réximes gañaron afiliados estranxeiros o pasado mes de maio, salvo o do Carbón, que recortou o seu número de cotizantes un 3,9% respecto a abril. O maior ascenso anotoullo o Réxime Xeral, que gañou un 2,07% de afiliados respecto ao mes anterior, seguido do Réxime do Mar (+1,6%), e do Réxime de Autónomos (+1,4%).

Dentro do Réxime Xeral, un total de 241.281 estranxeiros, o 16,9%, traballaba na hostalaría, mentres que o 12,2% o facía no comercio (174.020 afiliados), e o 7,3% nas actividades administrativas e servizos auxiliares (103.995 cotizantes).

Así mesmo, e dentro deste réxime, 221.302 estranxeiros encadrábanse no sistema especial agrario, un 4% máis que en abril, e 229.394, no do fogar, cun crecemento mensual do 0,1%.

Romaneses e marroquís, os máis numerosos

Do conxunto de inmigrantes afiliados á Seguridade Social a peche de maio, seis de cada dez procedían de países non comunitarios (1.022.546) e o resto (628.844) proviñan de países membros da UE.

Dentro dos países non comunitarios, 197.775 eran de nacionalidade marroquí e 99.130 de nacionalidade ecuatoriana. China, con 87.543 traballadores, sitúase como terceiro país de procedencia de afiliados de fóra da UE, por diante de Bolivia, que conta con 78.890 cotizantes.

O resto de afiliados non comunitarios repártense entre Colombia (73.623), Perú (48.979), Ucraína (33.936), Arxentina (33.890), Paraguai (32.971) e República Dominicana (26.970), entre outros.

Pola súa banda, dos que proceden da UE-27, romaneses, italianos e británicos son os máis numerosos, con 262.852, 61.121 e 55.779 cotizantes, respectivamente. Séguenlles búlgaros e portugueses, con 55.669 e 39.891, e algo máis lonxe, alemáns, con 38.674 afiliados, e franceses, con 35.840.

 Distribución por comunidades

Por comunidades autónomas, Cataluña e Madrid seguiron concentrando algo máis de catro de cada dez estranxeiros afiliados á Seguridade Social en maio pasado, ao sumar entre ambas as dúas o 43,2% do total de inmigrantes ocupados. En concreto, Cataluña contaba con 366.824 estranxeiros cotizantes, mentres que en Madrid a cifra era de 346.596.

Tras estas dúas rexións situáronse Andalucía, con 218.651 afiliados estranxeiros; Comunidade Valenciana, con 167.892 ocupados; Murcia, con 81.272; Baleares, con 77.238; Canarias, con 74.575; Aragón, con 58.061; Castela-A Mancha, con 53.753; País Vasco, con 49.400, e Castela e León, con 47.913.

As comunidades con menor presenza de inmigrantes en alta á Seguridade Social ao finalizar maio foron Galicia, con 31.083 estranxeiros; Navarra, con 22.231; Asturias, con 13.066; A Rioja, con 13.053; Extremadura, con 12.056; Cantabria, con 10.543, e as cidades autónomas de Melilla, con 4.304, e Ceuta, con 2.879.

Baleares e Aragón son as comunidades que rexistraron o maior incremento intermensual en maio, con avances do 21% e do 10,8%, respectivamente, seguidos de La Rioja (+5,4%); Navarra (+3,1%); e Cataluña (+2,8%).

 

 

Novas e Actualidade


Titulares
Histórico


 ACTIVIDADES

Novembro 2019
LMMeXVSD
    123
45678910
11121314151617
18192021222324
252627282930 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas