Os aeroportos de Santiago e A Coruña foron escenario esta mañá de conmovedores momentos. A sendas terminais chegaron os primeiros cen participantes arxentinos no programa Reencontros na casa, unha iniciativa da Xunta que dá a oportunidade a emigrantes galegos residentes en América Latina de reencontrarse coa súa familia ou descubrir as súas raíces. O vindeiro mércores chegará outra remesa de beneficiarios, ata alcanzar os 187 previstos, cuxa estancia en Galicia non poderá superar os tres meses. A Xunta financiou, neste caso, o 40 por cento do custo do billete de avión.