(05/06/2013)
A migración como xeradora de cultura
Este vídeo documental enmárcase dentro do proxecto Migrar é Cultura que o Museo de América e a Asociación de Amigos do Museo están a desenvolver dende o pasado mes de outubro e cuxa finalidade é mostrar como a cultura se transforma e enriquece grazas ao fenómeno migratorio.
O proxecto quere rescatar todas aquelas historias relacionadas coa migración. "Cremos que estas experiencias de vida foron moi importantes tanto para os países que os acolleron aos nosos inmigrantes, coma para a España que deixaron atrás. Gustaríanos que estas vivencias non caesen no esquecemento", afirma Andrés Gutiérrez, coordinador de 'Migrar é cultura'.
Desta forma, o proxecto desenvólvese principalmente por medio da web de Migrar é cultura e pretende que todo aquel que queira poida contar a súa historia por medio dun vídeo, fotografía ou relato. Xa hai subas de varias entradas de persoas que puideron contar as súas experiencias vitais.
Mariella Kohn, unha das participantes de 'Migrar é Cultura'
Un acto para consolidar o proxecto
Así pois, a presentación do documental será unha das actividades que formarán parte do I Encontro de entidades participantes en Migrar é Cultura que o Museo de América acollerá o próximo mércores e no que participarán todas as organizacións sociais e institucións que están a colaborar neste proxecto. ONG, asociacións de inmigrantes e emigrantes retornados, embaixadas latinoamericanas, institucións públicas e empresas privadas están a colaborar activamente en Migrar é Cultura e desenvolvendo actividades relacionadas co proxecto.
O acto pretende seguir traballando en rede con todas estas organizacións colaboradoras, que se sumen moitas máis e que todas elas se coñezan e poidan intercambiar impresións. "A idea é achegarse ao público que non se animaría a coller unha cámara para enviarnos o material ", explica Virxinia Muiñeiro, responsable de comunicación do museo.
Estarán ademais presentes algúns dos protagonistas deste vídeo documental, o director xeral de Inmigración da Comunidade de Madrid, Pablo Gómez-Tavira e o director da Universidade de La Rioja, Miguel Arrufat. Ambas as dúas institucións están a colaborar activamente no desenvolvemento e difusión deste proxecto.
O video documental, Achegas sobre a migración, é unha das actividades realizadas polo proxecto que se suma a outras como o I Concurso de Fotografía Descubre América na túa Cidade celebrado o mes de maio pasado. A finalidade de todas estas actividades é sumar apoios e concienciar á cidadanía sobre a importancia e a achega das migracións internacionais.
Carlos Rodríguez Braun, protagonista do documental
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas