Convenio entre Ecuador e España para profesionais españois

(23/04/2013)

Convenio entre Ecuador e España para profesionais españois

www.parainmigrantes.info 22 abril, 2013

En xuño entrará en vigor o acordo polo que se lanzarán ofertas de emprego aos titulados españois
O Ministro ecuatoriano de Relacións Laborais, Francisco Vacas, e a Ministra española de Emprego, Fátima Báñez, acordaron a firma dun convenio a través do cal o país latinoamericano lanzará ofertas de emprego aos titulados españois.

Tras a reunión mantida por ambos os dous ministros, manifestaron que este convenio entrará en vigor a principios do mes de xuño de 2013.



Tanto Vacas coma Báñez esperan que con este acordo os licenciados de profesións ou especialidades en déficit en España poidan viaxar ata Ecuador, onde na actualidade hai unha maior demanda nestes sectores. Así, este acordo permitirá que Ecuador lance a través de internet ofertas de emprego para titulados españois. O Goberno deste país afirmou que son necesarios uns 30.000 profesores de primaria e secundaria e ao redor de 8.000 médicos especializados.

Ademais das facilidades para os españois que queiran traballar alí tamén acordouse a creación dun sistema que facilite aos ecuatorianos residentes en España mostrar un certificado coas habilidades laborais que adquiriu en España. Fonte: portalparados.com