Nova York dedica unha exposición aos Españois en Estados Unidos e Porto Rico

(23/04/2013)

Nova York dedica unha exposición aos Españois en Estados Unidos e Porto Rico

A Embaixada española aproveitou a inauguración para entregar a medalla de ouro da Emigración á Casa de Galicia en Nova York

 

O presidente da Casa de Galicia en Nova York, Marcos Roel, recibe a medalla de Ouro da Emigración. Jessica Sieira

 

A Embaixada de España en Washington e a Casa Galicia de Nova York organizaron unha exposición sobre «Os Españois en Estados Unidos e en Porto Rico: desde 1880 ata os nosos días.» A mostra inaugurouse o pasado 19 de abril e poderá visitarse durante un mes, ata o domingo 19 de maio.

Ao acto asistiron, ademais do presidente da Casa Galicia de Nova York, Marcos Roel, a secretaria xeral de Emigración e Inmigración, Marina do Corral Téllez, o conselleiro de Emprego e Seguridade Social, Gonzalo Jiménez Coloma e o cónsul xeral de España, Juan Ramón Martínez Salazar.

Neste acto, os representantes diplomáticos aproveitaron para entregar a Medalla de Ouro de Emigración á Casa Galicia de Nova York, que recibiu con honra Marcos Roel, en nome de todos os socios.