Brasil abre portas á inmigración

As autoridades brasileiras manifestaron que necesitan ata 6 millóns máis de inmigrantes para acelerar o desenvolvemento de Brasil, xa que é un dos países coas taxas máis baixas de cidadáns nacidos no estranxeiro.

"Nun mundo globalizado, necesitamos non só o fluxo de bens e servizos, senón tamén o fluxo das mentes", dixo o secretario brasileiro de Asuntos Estratéxicos, Ricardo Paes de Barros. "Non" estamos "detrás da poboación; buscamos talento e capital humano. Coa apertura da sociedade, podemos acelerar o proceso de desenvolvemento".

"Brasil volveuse extremadamente pechado á inmigración", dixo Paes de Barros. "Adoitabamos compracernos de ser unha nación composta por inmigrantes. Pero iso xa non é certo".

E é que tras épocas de grande inmigración, Brasil limitou a chegada de inmigrantes.

Hai un século, dixo Paes de Barros, o 7.3 por cento da poboación brasileira nacera no estranxeiro. Agora esa cifra reduciuse a só 0.3 por cen.

"Queremos chegar polo menos ata 2 por cento -talvez 3 por cento", dixo Paes de Barros nunha entrevista telefónica dende a súa oficina en Brasilia. Cunha poboación actual que se estima en 199 millóns, Brasil está potencialmente no mercado para recibir ata 6 millóns de inmigrantes.

"E non hai ningún problema se os estranxeiros veñen temporalmente e logo queren volver aos seus países de orixe", dixo Paes de Barros. "Preferimos pensar niso como un intercambio de coñecementos, non unha fuga de cerebros,".

A pesar de que o número de visas de traballo que Brasil concedeu aos estranxeiros incrementouse nos últimos anos, o goberno da presidenta Dilma Rousseff decátase de que aínda queda moito por facer .

Obter unha visa de traballo pode ser pesado. Pode tomar moitos meses e, nalgúns casos, ata 19 documentos, que deberán presentarse nun consulado brasileiro, dixo André Sacconato, director de investigación de Investimentos e Negocios de Brasil, cuxa sigla en portugués corresponde, a BRAiN (cerebro en inglés), e cuxo labor é servir de catalizador para a consolidación de Brasil como centro internacional de negocios e investimentos. BRAiN realizou estudos para o goberno sobre o impacto da inmigración.