(04/02/2013)
A garda civil atendeu a 10.714 inmigrantes en 2012
lainformacion.com
sábado, 02/02/13
Os Equipos de Atención ao Inmigrante (Edati) da Garda Civil atenderon ao longo do ano 2012 a un total de 10.714 inmigrantes, entre eles a 453 menores de idade. Os axentes deste grupo dedícanse a orientar e informar aos inmigrantes sobre os dereitos que lles asisten e as actividades que promovan a súa integración, así como facilitarlles a tramitación da documentación para regularizar a súa situación en España.
A maior parte dos asistidos eran homes, maiores de idade e de nacionalidade magrebí, seguidos polos cidadáns oriundos de países do Leste e os procedentes de Sudamérica.
O balance das actuacións levadas a cabo polos Edati durante o pasado ano mostra que, das case 12.000 actuacións levadas a cabo nesta materia, a metade tiveron lugar na provincia de Huelva, seguida por Almería.
Máis de 11.200 destas actuacións practicáronse por iniciativa propia dos axentes. O resto tivo lugar a raíz dunha denuncia motivada pola colaboración cidadá. Estes equipos da Garda Civil constituíronse no ano 2000 co fin de satisfacer as necesidades de protección dos dereitos dos inmigrantes, sobre todo en materia de seguridade. Inténtase que os axentes sexan coñecidos polo sector de poboación inmigrante e que estean en contacto permanente con el.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas