(05/12/2012)
A Organización Internacional das Migracións aconsella a xestión da emigración cualificada
M.L.C., Madrid -Crónicas da Emigración
05 Decembro 2012
A Organización Internacional das Migracións (OIM) considera necesaria a incorporación á axenda política española da xestión da emigración cualificada mediante políticas transversais de todos os sectores implicados no marco da estratexia nacional de desenvolvemento, crecemento e competitividade. Así o expuxo na recente presentación do informe "A emigración de profesionais cualificados: unha reflexión sobre as oportunidades de desenvolvemento".
Este informe realizado pola OIM pretende pór de manifesto a necesidade de contar con estratexias públicas que aborden dun xeito integral as necesidades que expón a saída de profesionais cualificados españois. O seu interese responde á necesidade de contar cunha ferramenta articulada, sistematizada e organizada que permita coñecer datos e implicacións da actual tendencia de saída de profesionais cualificados.
Segundo a OIM, unha acción pública acertada pode incentivar unha involucración determinante destes profesionais na recuperación económica, na saída da crise e na creación das bases para o futuro modelo de crecemento do país.
Opina que as capacidades coas que conta o país e os lazos lingüísticos, xeográficos e comerciais que unen a España coa maior parte dos países de destino desta emigración son a mellor garantía de éxito dunha acción eficaz que, di, se se produce contemporáneamente aos acontecementos permitirá xerar impactos positivos para todos os implicados.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas